नेकपा एमालेका नेता सूर्य थापाले काठमाडौंको महानगरमा बालेन्द्र शाहलाई मेयर बनाउनेहरू अपराधी र देशद्रोही भएको आरोप लगाएका छन् ।
थापाले आज सामाजिक सञ्जाल फेसबुकमार्फत मेयर बालेनले गएराति पोष्ट गरेको अश्लिल पोष्टको स्क्रिनसट राख्दै गाँजा तान्ने दुर्व्यसनीलाई राजधानीको मेयर बनाउने, मान्ने र कारबाही नगर्ने सब अपराधी र देशद्रोही भएको उल्लेख गरेका छन् ।
बालेनले शनिबार राति अश्लील शब्दसमेत मिसाएर दुई छिमेकी मुलुक चीन र भारतसहित अमेरिका र नेपालका प्रमुख राजनीतिक दलहरूको नाम उल्लेख गरेर स्टाटस पोष्ट गरेका थिए । बालेनले उक्त स्टाटस अहिले हटाइसकेका छन् ।
थापाले लेखेका छन्– गाँजा तानेर लुसिफर (दलाल/शैतान) बेहोसीमा पागल भएर लेखेको– आफैँले हटाएर खुब आनन्द मानेको छ । सिंहदरबार जलाउन उक्साउने लुसिफरले नशामा नास भएर रातीराती देश बनाउने स्वाँङ पो गर्छ।’
थापाको स्टाटस जस्ताको तस्तै– गाँजा तानेर लुसिफर (दलाल/शैतान)ले बेहोसीमा पागल भई अन्टसन्ट लेख्दै र आफैँले हटाउँदै खुब आनन्द मानेको रहेछ। सिंहदरबार जलाउन उक्साउने लुसिफरले नशामा नास भएर रातीराती यसरी बेलाबखत देश बनाउने स्वाँङ पो गर्छ।
बाबुले सिंहदरबार वैद्यखाना सकेर सिनामंगलमा दरबार बनाएको जान्नेहरू छोराले सिंहदरबारमा आगो लगाउन भिजिलान्तेहरू पठाएर र दमकल तीन दिनसम्म रोकेर आफ्नो सक्कली अनुहार उदाङ्गो पारिसकेको छ । अझ यस्ता देशद्रोहीलाई आइकन मान्ने र काठमाडौंलाई बालेन शहर आएँ/गएँ भनेर लेख्ने मान्छेहरूका अनुहार सम्झँदा पो लाज लाग्छ ! म सुरुदेखि स्पष्ट छु, यो गजेडी हो, नशामा लठ्ठिनु र बर्बराउनु यसको दिनचर्या हो। यही योग्यताले यो लुसिफर र दलाल भएको हो । गाँजा तान्ने दुर्व्यसनीलाई राजधानीको मेयर बनाउने, मान्ने र कारबाही नगर्ने सब अपराधी र देशद्रोही हुन् !
अब समवेत् स्वरमा भनौँ– गाजा तान्न जान्नेहरू गाजा तानेर लेखौं…! मलाई बहुत खुशी लागेको छ, गजेडी आफैँ उदाङ्गो र नाश भइरहेको छ । कुचोले बढार्नुपर्ने कसिङ्गर गाजाले उडाइरहेछ !!!’
