सन्नी लियोनीले ‘पोर्न’ भिडियो खेल्न छोडेको १५ वर्ष भइसक्यो । उनले सन् २०१२ मा प्रदर्शनमा आएको बलिउड फिल्म ‘जिस्म २’बाट ठूलो पर्दामा डेब्यू गरेकी थिइन् ।

सन्नीका अनुसार उनी नयाँ परिचयका लागि ‘पोर्न फिल्म’बाट टाढिएर बलिउडमा आएकी हुन् ।

यस अवधिमा उनले आफूलाई सफल नायिकाका रुपमा स्थापित गरिसकेकी छन् । उनी आधा दर्जनभन्दा बढी हिन्दी फिल्म र केही टेलिभिजन शोमा निर्णायकको भूमिकामा देखिएकी छन् । अर्थात् बलिउडमा सन्नीको उपस्थिति अब बलियो भइसकेको छ ।

बलिउडमा जमेको लामो समय हुँदा पुरानो कामलाई लिएर ‘पोर्न स्टार’को ट्याग लगाउनु आफ्ना लागि आश्चर्यजनक भएको उनले बताएकी छन् ।

उक्त ट्यागबाट आफू टाढै रहन चाहेको उनले बताएकी छन् । भन्छिन्, ‘यो कुराले मलाई सताउँछ, तर म आफूलाई अगाडि बढाउने प्रयास गरिरहेकी छु।’

गलाटा इन्डियासँगको कुराकानीमा उनले दशकभन्दा पूरानो कामलाई लिएर अझै ‘पोर्न स्टार’को ट्याग लगाइदिनु चिन्ताजनक रहेको बताइन् ।

उनी थप्छिन्, ‘अब एडल्ट इन्डस्ट्रीको हिस्सा म छैन । डेढ दशक नै भइसक्यो । तर मानिसहरूले अझै पनि मलाई जोडेर यसबारे चर्चा गर्नु अचम्मको कुरा हो ।’

सुरुवाती दिनमा उक्त ट्याग लाग्नु सामान्य भए पनि अहिलेको अवस्थामा त्यही कुरा उचित नहुने उनको तर्क छ ।