काठमाडौं । सामाजिक सञ्जालमार्फत व्यक्ति तथा संस्थाको चरित्र हत्या र घृणा फैलाएको आरोपमा एक जना पक्राउ परेका छन्।
नेपाल प्रहरीको साइबर ब्युरोले मकवानपुर, मनहरी गाउँपालिका–३ का ३९ वर्षीय मंगल सिं प्रजालाई काठमाडौंको शंखमूलबाट पक्राउ गरेको हो।
ब्युरोका प्रवक्ता प्रहरी उपरीक्षक दीपक राज अवस्थीका अनुसार, प्रजाले फेसबुक आईडी प्रयोग गरी अमर्यादित अभिव्यक्तिसहितका सामग्री पोष्ट गर्दै आएका थिए। ती सामग्रीले सार्वजनिक नैतिकता, शिष्टाचारमा नकारात्मक असर पुर्याएको, घृणा तथा द्वेष फैलाएको र चरित्र हत्या गर्ने किसिमको रहेको प्रहरीले जनाएको छ।
प्राविधिक अनुसन्धान र विश्लेषणपछि मंगलबार पक्राउ गरिएको प्रजामाथि विद्युतीय कारोबार ऐन २०६३ अन्तर्गत कारबाही प्रक्रिया अघि बढाइएको छ।
प्रजालाई काठमाडौं जिल्ला अदालतमा पेश गरिएकोमा अदालतले थप अनुसन्धानका लागि २ दिनको म्याद थप गरेको ब्युरोले जानकारी दिएको छ।
प्रतिक्रिया
सम्बन्धित खवर
