नवलपुर । साउन २३ गतेदेखि बेपत्ता भएका कालीगण्डकी गाउँपालिका–४ बिर्घा बस्ने २६ वर्षीया श्यामकला पाण्डे र उनका ७ वर्षीय छोरा अर्पित पाण्डे मृत अवस्थामा फेला परेका छन्।
नवलपुरको कावासोति–१२ पिठौलीस्थित शिव मन्दिर नजिक नारायणी किनारमा महिलाको शव भेटिएको छ भने करिब ३०० मिटर टाढा मध्यबिन्दु–१२ क्षेत्रमा बालकको शव गलेको अवस्थामा फेला परेको प्रहरीले जनाएको छ।
हाल दुवै शवलाई पोष्टमार्टमका लागि कावासोति अस्पतालमा राखिएको छ। बालक अर्पितको पहिचान कानमा लगाएको मुन्द्रा र घाँटीमा भएको मालाबाट गरिएको वडा अध्यक्ष यादव पाण्डेले जानकारी दिएका छन्।
घटनाबारे थप अनुसन्धान भइरहेको जिल्ला प्रहरी कार्यालय नवलपुरले जनाएको छ।
प्रतिक्रिया
सम्बन्धित खवर
