बंगलादेशमा जारी हिंसाका बीच शेख हसिना प्रधानमन्त्री पदबाट राजीनामा दिएर आफ्नो देश छोडेर भारत पुगेकी छिन् ।

हिमाचल प्रदेशको मण्डीकी अभिनेत्री तथा भाजपा सांसद कंगना रनावतले शेख हसिनाले भारतमा सुरक्षित महसुस गरेकोमा आफूलाई सम्मानित भएको बताइन् । ‘मुस्लिम देशहरूमा कोही पनि सुरक्षित छैनन् ।’ उनले भनिन् ।

कंगना रनावतले सामाजिक सञ्जालमा लेखेकी छिन्, ‘हामी वरपर रहेका सबै इस्लामिक गणतन्त्रहरूको मूल मातृभूमि भारत हो । बंगलादेशका प्रधानमन्त्रीले भारतमा सुरक्षित महसुस गरेकोमा हामी सम्मानित र खुसी छौं ।’

कंगनाले थप लेखिन्– ‘मुस्लिम देशहरूमा कोही पनि सुरक्षित छैनन्, मुस्लिमहरू पनि सुरक्षित छैनन् । अफगानिस्तान, पाकिस्तान, बंगलादेश र बेलायतमा जे भइरहेको छ त्यो दुर्भाग्यपूर्ण छ । हामी भाग्यमानी छौं कि हामी रामराज्यमा बाँचिरहेका छौं ।