नेकपा (एकीकृत समाजवादी) भित्र चर्किएको आन्तरिक विवादबीच वरिष्ठ नेता वामदेव गौतम आज सम्मानित नेता झलनाथ खनालको डल्लुस्थित निवासमा पुगेका छन्। खनाल सचिवालयका अनुसार दुवै नेताबीच समसामयिक राजनीतिक परिस्थिति र पार्टीको आन्तरिक अवस्थाबारे लामो छलफल भएको छ।
नेता गौतम हालै मात्र नेकपा (एकीकृत समाजवादी) मा प्रवेश गरेका हुन्। उनको यो भेटलाई अहिलेको राजनीतिक परिवेशमा विशेष अर्थका साथ हेरिएको छ।
अध्यक्ष माधवकुमार नेपाल र नेता झलनाथ खनालबीच पछिल्ला दिनमा वाकयुद्ध चर्किँदै आएको छ। विवाद यति बढेको छ कि दुवैले एक–अर्कालाई ‘पार्टी छाडेर जान’ सम्मको चेतावनी दिइसकेका छन्। यही पृष्ठभूमिमा वामदेवको खनालसँगको भेटले पार्टी भित्रको शक्ति सन्तुलनमा नयाँ मोड आउन सक्ने विश्लेषण गरिएको छ।
यसैबीच, विवाद समाधानका लागि नेकपा (एस) ले स्थायी समिति, पोलिटब्युरो र केन्द्रीय कमिटी बैठक समेत बोलाइसकेको छ। अब वामदेवको कदमले माधव–झलनाथबीचको टकरावलाई कम गर्ने कि झन् चर्काउने, भन्ने प्रश्नमा सबैको ध्यान केन्द्रीत भएको छ।
प्रतिक्रिया
सम्बन्धित खवर
