रुपन्देही क्षेत्र नम्बर ३ को उपचुनाव १७ कात्तिकमा हुँदैछ, तर चुनावी माहोल अहिले नै तात्न थालेको छ । राप्रपाका सांसद दीपक बोहोराको निधनपछि रिक्त भएको यो क्षेत्र अहिले कांग्रेस, एमाले, राप्रपा र रास्वपाको प्रतिष्ठाको लडाइँ बनेको छ।

राप्रपा आफ्नो पुरानो सीट बचाउन दबाबमा छ। अघिल्लो चुनावमा एमालेको साथ पाएर जितेको यो क्षेत्र अहिले एमाले आफैं खोस्ने तयारीमा छ। कांग्रेस त झन् नक्कली भुटानी शरणार्थी प्रकरणमा मुछिएका बालकृष्ण खाँणको राजनीतिक प्रतिष्ठा फर्काउने अभियनमा छ।

तर सबैभन्दा रोचक मोड त रास्वपा प्रवेशसँगै आएको हो। रास्वपाको सम्भावित उम्मेदवार सूचीमा पार्थिवेन्द्र उपाध्यायको नाम दोस्रो नम्बरमा आउनासाथ रुपन्देहीमा चर्चा चुलिएको छ। उनी एमालेबाट निर्वाचित सिद्धार्थनगर उपमेयर उमा अधिकारीका श्रीमान् मात्र होइन, एमालेका पूर्व सांसद धनपति उपाध्यायका छोरा पनि हुन्।

एमाले पृष्ठभूमिको नेता रास्वपातर्फ मोडिएपछि, यो उपचुनाव एमालेका लागि ‘ठूलो झट्का’ बन्ने संकेत देखिएको छ। अब बाँकी भने १७ कात्तिकको मतपेटिकाले नै टुङ्ग्याउनेछ—रास्वपाको जन मोह ‘भोटमा’ बदलिन्छ ।