कैलाली — कैलाली कारागारमा कैदीबन्दीबीच झडप हुँदा पाँच जना घाइते भएका छन्। उनीहरूलाई सेती प्रादेशिक अस्पतालमा उपचार भइरहेको छ।
जिल्ला प्रशासन कार्यालयका सूचना अधिकारी शिवराज जोशीले झडपको कारण र परिस्थितिबारे अनुसन्धान भइरहेको जानकारी दिएका छन्।
कैलालीका प्रमुख जिल्ला अधिकारी गोगनबहादुर हमालले भनेका छन्, भूपेन्द्र बडुवाल हत्या प्रकरणमा जोडिएका तीन जनाको अन्यत्र स्थानान्तरण गर्ने क्रममा विवादले झडप भएको हो। झडप ए र बी ब्लकमा भएको बताइएको छ।
घटनापछि कैलाली प्रहरी प्रमुख बालनरसिंह राणा र डीएसपी राजकुमार सिंह कारागार पुगेका छन् र थप अनुसन्धानमा छन्।
केही दिनयता कैलाली कारागारमा कैदीबन्दीबीच झडप बढिरहेको भन्दै प्रशासन सतर्क बनेको छ।
प्रतिक्रिया
सम्बन्धित खवर
