काठमाडौं –नेपालबाट घरायसी विवादका कारण घर छाडेर भारत पुगेकी एक नेपाली युवतीमाथि भारतीय बस चालकले दुई दिनसम्म बलात्कार गरेको खबर भारतीय सञ्चारमाध्यमहरूले सार्वजनिक गरेका छन्।
भारतीय राज्य बिहारको राजधानी पटना पुगेकी ती युवतीलाई बस चालकले रोजगारीको प्रलोभन देखाएर आफूसँगै लगेर यौन शोषण गरेको आरोप लागेको हो।
चार दिनअघि सौतेनी आमाको दबाब सहन नसकी घरबाट निस्किएकी युवती सिलगुडी हुँदै पटना पुगेकी थिइन्। पटनाको गान्धी मैदान बस स्ट्यान्ड नजिक उनी रुँदै बसेको अवस्थामा फेला परेकी हुन्।
त्यहीँबाट नेपाली समुदायका केही व्यक्तिहरूले प्रहरीसमक्ष पुर्याएर उजुरी दर्ता गराइदिएका थिए।पीडितका अनुसार, बस चालकले रोजगारी दिने भन्दै आफूसँगै लिएर गएका थिए।
त्यसपछि उनले युवतीलाई लगातार दुई दिनसम्म बलात्कार गरे।
पीडित युवतीले बताएअनुसार, उनको साथमा रहेको नगद पैसा र मोबाइल फोन पनि लुटिएको छ।
उजुरी दर्ता भएपछि पटना प्रहरीले आरोपी बस चालकको खोजी सुरु गरेको छ।
प्रारम्भिक अनुसन्धानमा चालक भारतीय नागरिक भएको पुष्टि भएको छ।
घटना हाल गम्भीर आपराधिक काण्डको रूपमा दर्ता गरिएको भारतीय समाचार संस्थाहरूले जनाएका छन्।
युवतीको नाम, उमेर वा ठेगाना भने सार्वजनिक गरिएको छैन।
हाल उनी सुरक्षित स्थानमा राखिएकी छन् र आवश्यक स्वास्थ्य परीक्षण एवं कानुनी प्रक्रिया अघि बढाइएको छ।
प्रतिक्रिया
सम्बन्धित खवर
