काठमाडौं— सर्लाहीको बागमती नगरपालिका नगर प्रमुख भरतकुमार थापा गैरकानुनी सम्पत्ति आर्जन मुद्दामा दोषी ठहर भएका छन्।
विशेष अदालतको इजलास — न्यायाधीशहरू टेकनारायण कुँवर, मुरारीबाबु श्रेष्ठ र विदुर कोइरालाले बुधबार थापालाई दोषी ठहर गर्दै एक वर्ष कैद सजायका साथै बिगो बराबरको जरिवाना गर्ने फैसला सुनाएको हो।
अदालतका अनुसार थापाले ३ करोड ४५ लाख २२ हजार ३८७ रुपैयाँ गैरकानुनी रूपमा आर्जन गरेका थिए।
यस मुद्दामा नगरपालिकाका प्रमुख प्रशासकीय अधिकृत विमलकुमार पोखरेल र योजना शाखा प्रमुख इन्जिनियर सागर पौडेल पनि दोषी ठहर भएका छन्।
तर, उपमेयर लीलाकुमारी मोक्तान, तत्कालीन लेखा अधिकृत विश्वराज पोखरेल र जिल्ला समन्वय समितिका तत्कालीन प्रमुख मेथुर चौधरी भने सफाइ पाएका छन्।
प्रतिक्रिया
सम्बन्धित खवर
