लोकप्रिय गायक पशुपति शर्मा सवार कार बुधबार दिउँसो स्याङ्जाको सिद्धार्थ राजमार्गमा दुर्घटना भएको छ। पोखराबाट वालिङतर्फ जाँदै गरेको ग १ च ४१७१ नम्बरको कार भीरकोट नगरपालिका–२ स्थित कल्भर्टमा ठोक्किएर दुर्घटनामा परेको हो।
प्रहरीका अनुसार, दुर्घटनामा गायक शर्मासहित चार जना घाइते भएका छन्।
गायक शर्माको देब्रे हातमा चोट लागेको छ।कारमा सवार अन्य व्यक्तिहरू सामान्य घाइते भएको प्रारम्भिक जानकारी प्राप्त भएको छ।
दुर्घटनाको कारण र विस्तृत विवरण बुझ्ने कार्य जारी रहेको जिल्ला प्रहरी कार्यालय स्याङ्जाले जनाएको छ। सिद्धार्थ राजमार्गमा खतरनाक मोड र कमजोर संरचनाका कारण समय–समयमा दुर्घटना हुने गरेका छन्।
घाइतेहरूलाई उपचारका लागि नजिकको अस्पतालमा लगिएको प्रहरीले जनाएको छ। गायक शर्माको अवस्था अहिले नियन्त्रणमा रहेको र खतरा टरेको बताइएको छ। उनी वालिङमा आयोजित कार्यक्रममा सहभागी भएको बताइएको छ ।
प्रतिक्रिया
सम्बन्धित खवर
