काठमाडौं ।वैदेशिक रोजगारीमा अमेरिका पठाइदिन्छु भन्दै ठगी गरेको आरोपमा एक महिला पक्राउ परेकी छन्। पक्राउ पर्नेमा ललितपुर महानगरपालिका–२ बस्ने, बागलुङ ढोरपाटन नगरपालिका–५ घर भएकी ४८ वर्षीया मीना कुँवर रहेको प्रहरीले जनाएको छ।
पीडितबाट ९ लाख रुपैयाँ लिई सम्पर्कविहीन भएको उजुरीपछि काठमाडौं उपत्यका अपराध अनुसन्धान कार्यालय, टेकुबाट खटिएको टोलीले उनलाई ललितपुरको सातदोबाटो क्षेत्रबाट सोमबार पक्राउ गरेको हो।
पक्राउ परेपछि मीना कुँवरलाई आवश्यक अनुसन्धान तथा कारबाहीका लागि वैदेशिक रोजगार विभाग, ताहाचल पठाइएको प्रहरीले जानकारी दिएको छ।
प्रहरीले अन्य पीडितहरू भएमा सम्पर्क गर्न पनि आग्रह गरेको छ।
प्रतिक्रिया
सम्बन्धित खवर
