सिन्धुलीको गोलान्जोर गाउँपालिका-६ बागेश्वरबाट बेपत्ता भएका एकै परिवारका १६ जनाको सामुहिक तस्बिर सार्बजनिक भएको छ। उक्त तस्बिर पछी उनीहरुको खोजि कार्य अलि सहज हुने अनुमान गरिएको छ ।

बिहीबारदेखि सम्पर्कविहीन भएका उनीहरूको लोकेसन शुक्रबार राति १० बजेर ९ मिनेट जाँदा रामेछापमा देखिएको बताईएको छ ।

बेपत्ता भएका परिवारको घरमा बस्तुभाउ सबै छन्। गाउँलेले उनीहरूलाई बिहीबारदेखि नै नदेखेको बताएका छन्।

हायु थरका उनीहरूलाई स्थानीय सरकारले लोपउन्मुख जातिका रुपमा मासिक प्रतिव्यक्ति ४ हजार रुपैयाँका दरले भत्तासमेत दिँदै आएको थियो।

यस्तै घरमै सुँगुर काटेर खाएको पनि देखिएको छ। हायुको घर एकान्तमा छ। त्यहाँबाट अर्को कुनै घर पुग्न कम्तिमा १५ मिनेट लाग्ने वडा अध्यक्ष रविन श्रेष्ठले जानकारी दिए।

उनीहरूले एउटा भैँसी गाउँकै अर्को घर नजिकै बाँधेका थिए। हरेक दिन घाँस पानी गर्न जान्थे। तर, बिहीबारदेखि उनीहरू भैँसीलाई घाँस हाल्न नगएपछि गाउँले सोमबार बिहान घरै पुगेर हेर्दा ढोका खुलै थियो। तर, मान्छे कोही पनि थिएनन्। त्यसपछि खोजी सुरु भएको हो।

बेपत्ता हुनेमा १. उर्मिला हायू (आमा-५२ वर्ष)

२. कमला हायू (छोरी-२७ वर्ष)

३. कोमल माया हायू (बुहारी-२३ वर्ष)

४. उषा हायू (छोरी-२२ वर्ष)

५. सुजता हायू (छोरी-२२ वर्ष)

६. अस्मिता हायू (छोरी-१८ वर्ष)

७. शान्ता हायू (छोरी-१२ वर्ष)

८. राजु हायू (छोरा-२९ वर्ष)

९. हिमाल हायू (छोरा-२४ वर्ष)

१०. लालबहादुर हायू (छोरा-१६ वर्ष)

११. बेगबहादुर हायू ( छोरा-१४ वर्ष)

१२. लक्की हायू (छोरा-११ वर्ष)

१३. सुवर्ण हायू (छोरा-१२ वर्ष)

१४. ओमकुमारी हायू (छोरी-१० वर्ष)

१५. अर्जुन हायू (नाती-१ वर्ष)

१६. रियासा हायू (नातिनी-४ वर्ष )