तीन दिनअघि ९० हजार रुपैयाँ दिएर घर ल्याइएकी बेहुली घरबाट नगद र गरगहना लिएर भागेकी छन्। पीडितका बुबाले प्रहरीमा उजुरी दर्ता गराएर कारबाहीको माग गरेका हुन्।

भारतको कोतवालीस्थित बिलरख गाउँका बासिन्दा दयाराम सैनीले तीन वर्षअघि कानपुर शहरकी एक महिलासँग आफ्नो छोरा राहुल सैनीको विवाह ९० हजार रुपैयाँ केही मानिसलाई दिएर मिलाएको बताए। राहुलको विवाहबाट परिवार खुसी थियो। गाउँलेहरू स्वागतको तयारीमा व्यस्त थिए। मंगलबार राति दुलही बाहिरबाट ढोका बन्द गरेर भागिन्। बिहान परिवार उठ्दा दुलही नभेटेपछि परिवारका सदस्यमा त्रास फैलियो।

घटनाको जानकारी पाउने बित्तिकै गाउँलेको भीड जम्मा भयो। भागेकी दुलहीलाई खोज्न थाले। उनको लुगा गाउँ बाहिरको खेतमा फेला पर्यो। गाउँलेले केही घण्टासम्म दुलहीलाई खोजे तर उनी फेला परेनन्। राति बेहुली निस्किएको भिडियो सीसीटीभी क्यामेरामा कैद भएको छ।

दयारामले दुलहीले मङ्गलसूत्र, औंठी, पाउल र भोजका लागि राखिएको ५० हजार रुपैयाँसहित ८० हजार मूल्यका गरगहना लिएर फरार भएको आरोप लगाए। बेहुलाका बुबाले बिचौलियाले महिलालाई फरार बनाएको आरोप लगाएका छन्।

विवाह हुनुभन्दा केही दिन अघि उनी उनको घरमा बसेकी थिइन्। जानकारी पाएपछि डायल प्रहरी घटनास्थलमा पुगेर अनुसन्धान गरेको थियो। कोतवाल राम असारे सरोजले डायल प्रहरीलाई जानकारी गराइएको बताए। घटनाको अनुसन्धान भइरहेको बताए।