नेपाल प्रहरीका विवादित डिएसपी दीपक खड्कासहित ११ जना प्रहरी अधिकृतलाई एसपीमा बढुवा सिफारिस गरिएको छ।

नेपाल प्रहरीको जनपद समूहतर्फ एसएसपी, एसपी र डीएसपी बढुवा सिफारिस भएको हो ।

सोमबार बसेको बढुवा समिति बैठकले रिक्त रहेका दरबन्दीमध्ये ११ एसएसपी, एसपी र १३ डीएसपीको बढुवा सिफारिस भएको हो।

बढुवा सिफारिस हुनेमा अनिलकुमार खड्का, महेश थापा, दिपेन्द्र पंजियार थारू, महेन्द्र नेपाल, रूपक खड्का, प्रेम सागर केसी, डिलबहादुर मल्ल, केशब भट्टराई, भुवनेश्वर प्रसाद साह, सुनिल मल्ल र दिपक खड्का छन्।

खड्काले राष्ट्रिय स्वतन्त्र पार्टीका सभापति रवि लामिछानेलाई पक्राउ गर्न चैत २२ मा पुगेका बेला उनको अन्तिम इच्छा सोधेको भिडियो सार्वजनिक भएपछि उनी विवादमा तानिएका थिए।

त्यतिबेला उनको व्यवहारको चर्को आलोचनासहित कारबाहीको मागसमेत उठेको थियो। यद्यपि, मंगलबार बसेको बढुवा समितिको बैठकले उनलाई एसपीमा सिफारिस गरेको छ।