latest
सायद विदेशमा बस्ने केटासँग विवाह गर्दिनँ होला  ||    बेलिब्रिजको उद्घाटन गर्न हुम्ला पुगेका प्रधानमन्त्री ओलीले के भने ?  ||    प्रचारका लागि गरिएको ‘स्टन्ट’ भएको खुलासा  ||    ट्याक्सी बुक गरेर पहाडमा लगी ड्राइभरको हत्या, नेपालमै गुडिरहेछन् मारिएका दर्जनौं चालकका ट्याक्सीहरू  ||    आमाको उपेक्षा र दाजुको अवहेलनका कारण कुकुरसँग बस्न थाले ८ वर्षीय बालक, बोल्नुको साटो भुक्न थाले  ||    “मनिषाको चिच्याहट”, रगतले भिजेको त्यो घर अब कहिल्यै पहिलेको जस्तो हुने छैन  ||    अपुरो प्रेमको दुखद परिणति, १५ वर्षमै फकाएर लगेका रैछन  ||    सिंहदरबारवाट हराएको गाडीमा त यी नेता पो चड्दा रहेछन  ||   
आइतबार , असार २२, २०८२

“चलचित्र ‘माग्ने राजा’ मा माग्ने बुढाले ६१ लाख पारिश्रमिक लिए भन्ने चर्चाले केही दिनदेखि नेपाली सिने क्षेत्र तातेको छ। तर, कलाकार केदारप्रसाद घिमिरे ‘माग्ने बुढा’ स्वयंले उक्त दाबीलाई असत्य र प्रचारका लागि गरिएको ‘स्टन्ट’ भएको खुलासा गरेका छन्।”

“चलचित्रका निर्देशक ऋषि लामिछानेले सार्वजनिकरूपमा माग्ने बुढालाई ५१ लाख रकम दिइसकेको र बाँकी १० लाख फिल्म चलेपछि दिने बताउँदै, उनी १ करोड डिजर्भ गर्ने कलाकार भएको समेत बताएका थिए।”


“तर, माग्ने बुढाले ती सबै दाबीहरू असत्य भएको भन्दै भनेका छन्— ‘त्यो पारिश्रमिक लिनु पनि ठीक होइन, र त्यसको प्रचार गर्नु पनि गलत हो।'”

“चलचित्रका निर्माता मुनाल घिमिरे र निर्देशक लामिछानेको सल्लाहमा ‘हाइप’ बनाउने उद्देश्यले यस्तो हल्ला फैलाइएको बताइएको छ। माग्ने बुढाका अनुसार, प्रचारकै लागि निर्माताले यस्तो कथा बुनेका थिए, ताकि भदौ ६ गते रिलिज हुने चलचित्रप्रति दर्शकको चासो बढोस्।”

“तर, प्रचार उल्टो पर्‍यो। माग्ने बुढाले धेरै पारिश्रमिक लिएको भन्दै सामाजिक सञ्जालमा आलोचना हुन थालेपछि, उनी आफैंले खुलस्त पार्नु परेको हो।”

“पारिश्रमिकको ठ्याक्कै रकम नखुलाए पनि, निर्माण पक्षले माग्ने बुढाले ३५ लाख रुपैयाँमा चलचित्र साइन गरेको जानकारी दिएको छ। साथै, चलचित्र सफल भएमा थप इन्सेन्टिभ दिने सहमति समेत भएको बुझिएको छ।”

“यसअघि पनि माग्ने बुढाको नाम जोडिएर ५० लाखसम्म पारिश्रमिकको चर्चा ‘कँगारु’ र ‘माइतीघर’जस्ता प्रोजेक्टहरूमा भइसकेको थियो। तर, तीमध्ये केही चलचित्र निर्माणमै अड्किए भने केही असफल पनि भए।”

“माग्ने बुढा अहिले ‘माग्ने राजा’का साथै ‘माइतीघर’ र ‘जेरी अन टप’ मा काम गरिरहेका छन्। ‘छक्का पञ्जा’ टिमबाहेकको उनको यो दोस्रो फिल्म हो। चलचित्रमा मिहिनेत गरेको भन्दै उनले दर्शकलाई निराश नहुन अनुरोध गरेका छन्।”

“‘माग्ने राजा’ को टिजर युट्युबमा सार्वजनिक भइसकेको छ र दर्शकबाट सकारात्मक प्रतिक्रिया पाइरहेको छ। चलचित्र भदौ ६ गतेदेखि देशभर प्रदर्शनमा आउँदैछ।”

प्रतिक्रिया

सम्बन्धित खवर

ताजा समाचार

लोकप्रिय