शिवपुरीको सडकमा गुडिरहेको गाडीमा पहिरो खसेको छ । प्रहरी नायव उपरीक्षक विक्रम लामाका अनुसार काठमाडौँबाट टोखा–छहरे सडकखण्ड हुँदै नुवाकोटको प्रसिद्ध दुप्चेश्वर मन्दिरतर्फ जाँदै गरेको बागमती प्रदेश विएडी ३७७३ नम्बरको निजी कारमा माथिबाट पहिरो खसेर क्षति गरेको हो । उक्त कारमा सवार काभ्रेको नमोबुद्ध नगरपालिका–७ का ४५ वर्षीय श्यामकृष्ण श्रेष्ठ घाइते भएको डीएसपी लामाले बताए ।
उनको हात र काँधमा चोट लागेको छ । उपचारका लागि अस्पताल लगिएको छ । घटनामा कारमा क्षति पुर्याएको छ भने पहिरोले उक्त सडक केहि घण्टा अवरुद्ध भएको थियो । यता, पासाङल्हामु मार्ग अन्तर्गत रहेको विदुर–त्रिशूली सडकखण्डमा विद्युतीय माइक्रोबस र मोटरसाइकल ठोक्किएको छ । विदुर नगरपालिका- १ ढुंगेमा बागमती प्रदेश ०६००१ ज ०१३८ नम्बरको विद्युतीय माइक्रोबसले शनिबार बा ९२ प १८४ को मोटरसाइकललाई ठक्कर दिएको हो ।
मोटरसाइकल चालक घाइते भएका छन् । घाइतेको स्थानीयबासीले उद्धार गरेका हुन् ।
