चर्चित टिकटकर ३१ वर्षीया रमा बस्नेत पक्राउ परेकी छन् । सामाजिक सञ्जाल टिकटकबाट प्रतिष्ठित व्यक्ति तथा संस्थाको चरित्र हत्या गरेको आरोपमा उनलाई पक्राउ गरिएको हो ।
नेपाल प्रहरीको साइबर ब्युरोबाट खटिएको टोलीले खोटाङको हलेसी तुवाचुङ नगरपालिका–६ घर भई हाल भक्तपुर बस्दै आएकी बस्नेतलाई आज नियन्त्रणमा लिएको हो ।
सामाजिक सञ्जाल प्रयोग गरी नियोजितरुपमा जातीय एवम् साम्प्रदायिक भावनामा खलल पुर्याएको उनीमाथि आरोप छ । ३१ वर्षीया बस्नेतलाई आज पक्राउ गरेर अदालतबाट ३ दिनको म्याद लिई अनुसन्धान थालिएको साइबर ब्युरोका उपनिर्देशक एसपी दीपकराज अवस्थीले जानकारी दिए ।
ब्युरोका अनुसार बस्नेतले प्रतिष्ठित व्यक्ति र संस्थाविरुद्ध तथ्य र आधारहीन विषय उठान गरी टिकटकमा लगातार भिडियो हालेको गुनासोपछि अनुसन्धानका लागि नियन्त्रणमा लिनुपरेको हो । उनीविरुद्ध विद्युतीय कारोबार ऐन–२०६३ अन्तर्गतको कसुरमा अनुसन्धान भैरहेको जनाइएको छ ।
मूलधारका राजनीतिक दल र नेता-कार्यकर्तालाई बाट वाक्र्दैक भएकी उनले राष्ट्रिय स्वतन्त्र पार्टी र रवि लामिछानेको समर्थन मा भिडियो बनाउदै आएकी थिईन । उनले टिकटकमा प्रधानमन्त्री केपी शर्मा ओलीको कार्यशैलीको बिरोध अनि रवि र बालेनको समर्थनमा भिडिओ पोष्ट गर्ने गरेकी थिइन् ।
