काठमाडौँ महानगरपालिकाको केन्द्रीय कार्यालयमा प्रयोग हुँदै आएको पिउने पानीमा कोलिफर्म भेटिएको छ ।
काठमाडौँका मेयर बालेन्द्र साह र उम मेयर सुनिता डङ्गोलले समेत पिउने पानीमा कोलिफर्म भेटिएको हो ।
केन्द्रीय कार्यालयमा प्रयोग हुँदै आएको पानीमा कोलिफर्म भेटिएपछि पानी कम्पनीलाई दुई लाख जरिवाना तोकिएको छ ।
काठमाडौं महानगरले कोलिफर्म भेटिएको सी एन इन्टरप्राइजेजसंगको सम्झौता पनि भङ्ग गरेको छ ।
सी एन इन्टरप्राइजेजलाई कृषि तथा पशुपन्छी विभागले पत्र पठाउँदै प्रमुख प्रशासकीय अधिकृत स्तरीय निर्णयबाट पिउने पानी सप्लाइ गर्ने सम्झौता रद्द गरिएको विभागका प्रमुख नुरनिधि न्यौपानेले जानकारी दिए ।
पत्रमा भनिएको छ, ‘यस कार्यालयमा सप्लाइ भई आएको पिउने पानीको प्राविधिक परीक्षण गर्दा कोलिफर्म भेटियो । कामपा बजार व्यवस्थापन तथा अनुगमन ऐन २०७७ को दफा १९ आकर्षित भई दफा ३० बमोजिम रु दुई लाख जरिवाना तोकिएको छ ।’
प्रतिक्रिया
सम्बन्धित खवर
