नेपाली कांग्रेसका सभापति शेरबहादुर देउवाले नेपालमा सुनमा कडाइ गर्दा व्यापारीहरूले चोरीको सुनबाट गहना बनाउनुपरेको गुनासो गरेको बताएका छन्। काठमाडौँमा आयोजित आपूर्ति तथा उपभोक्ता विभागको बजेटसम्बन्धी छलफलमा सुनव्यापारीहरूले तस्करीको सुन प्रयोग गर्ने गरेको बताएको सुनाए।

उनले भने, ‘काठमाडौँका सुन व्यापारीहरूलाई बोलाएर कुरा गरेँ। चोरीको सुनले बनाउने हो भन्नुभयो।’

उनले सुन आयात नखोलिएकोमा आपत्ति जनाए। उनले आफू सरकारमा हुँदा खोलेर सहज बनाएको भन्दै थपे, ‘

सुन खोल्दा के हुन्छ? खोल्दा के हुन्छ? यो बदमास काम हो। नेपालमा सुनचाँदी नोटमा कोही विश्वास गर्दैनन् सुनमा गर्छ के गर्नुहुन्छ?’

उनले नेपालमा पूरापूर सुन आउन दिनुपर्ने पनि बताए। ‘नेपालमा पूरापूर सुन आउन दिनुपर्छ रोक्नु हुँदैन। नत्र तस्करलाई फाइदा हुन्छ’ उनले भने।