पोखरा महानगरपालिका वडा नं. १५ स्थित वन विज्ञान अध्ययन संस्थान नजिकै सडकमा एक युवकको हत्या भएको छ ।
सोमबार बिहानै किला ठोक्ने घन प्रहार गरेर हत्या गरेको अवस्थामा करीब ३० वर्षीय युवकको शव फेला परेको जिल्ला प्रहरी कार्यालय कास्कीका सूचना अधिकारी हरी बहादुर बस्नेतले जानकारी दिए ।
जिल्ला प्रहरी कार्यालय कास्कीको टोली अनुसन्धानका लागि घटनास्थल पुगिसकेको छ । हत्या भएका व्यक्तिको सनाखत हुन सकेको छैन ।
‘वन विज्ञान अध्ययन संस्थान नजिक शव फेला परेको छ , डीएसपी बस्नेतले भने, ‘अहिले हामी घटनास्थलमा अनुसन्धान गर्दैछौं, मृतकको पहिचान खुल्न बाँकी छ ।’
घटना कति बजे घटेको हो भन्ने विषयमा प्रहरीले अहिले नै केही भन्न नसकिने जानकारी दिएको छ ।
