नेपाली कांग्रेसका नेता एवं प्रतिनिधिसभाका सदस्य पूर्णबहादुर तामाङ (कान्छाराम) ले दुईभन्दा बढी सन्तान जन्माउनेहरुलाई ५ लाखको विमा र ५ लाख सुत्केरी भत्ता दिनुपर्ने बताएका छन् । आज (सोमबार) प्रतिनिधिसभाअन्तर्गतको अर्थ समिति बैठकमा बाफिया विधेयकमाथिको छलफलमा भाग लिँदै उनले देश रित्तिँदै गएको अवस्थामा यसो गरेर जनसंख्या बढाउनुपर्ने बताएका हुन् ।
उनले ५ लाख इन्सुरेन्स र ५ लाख सुत्केरी भत्ताको सुविधा लिएकाहरुलाई राहदानी नदिएर उनीहरुलाई देशमै बस्ने वातावरण बनाइनुपर्ने उनको माग छ । यो विषय आफूले प्रतिनिधिसभामा पनि उठाउने विचार गरेको नेता तामाङले बताए ।
उनले इन्सुरेन्स र सुत्केरी भत्ताको सुविधा लिएकालाई सरकारले कलेजमा समेत निःशुल्क पढ्न पाउने व्यवस्था गर्न आवश्यक रहेको बताए ।
‘बुढापाका जति मरिसके । भएका युवाजति सबै विदेश गइसक्यो । मैले संसद्मा पनि उठाउने कुरा गरेको छु, आज पहिलोचोटी अर्थ समितिमा उठाएँ । अब दुईवटा भन्दा धेरै बच्चा जन्माउनलेलाई इन्सुरेन्स ५ लाख, पाँच लाख सुत्केरी भत्ता दिनुपर्छ ।
त्यो इन्सुरेन्स र सुत्केरी भत्ता दिएको व्यक्तिलाई पढाउँदाखेरी पनि कलेजमा छुट गराइदिनुपर्छ । त्यस्तो व्यक्तिलाई पासपोर्ट दिन हुँदैन । बाहिर नपठाउने । नभए यहाँ जनता सिद्दिसक्यो,’– उनले भने ।
प्रतिक्रिया
सम्बन्धित खवर
