अमेरिकाको सर्वोच्च अदालतले गरेको निर्णयका कारण त्यहाँ बसोबास गर्ने पाँच लाख भन्दा बढी आप्रवासीको वैधता सङ्कटमा परेको छ। यसअघिका राष्ट्रपति जो बाइडेनको कार्यकालमा लागु भएको प्यारोल कार्यक्रम अन्तरत अमेरिका पुगेका आप्रवासीको वैधता सक्ने ट्रम्पको घोषणाले मान्यता पाएको छ।

आफ्नै देशमा आर्थिक र राजनीतिक यातना भोगेकालाई बाइडेनले अमेरिकामा बसोबास गर्नका लागि वैध व्यवस्था मिलाएका थिए। सो कार्यक्रम अन्तरगत क्युबा, हाइटी, निकारागुवा र भेनेजुएलाबाट अमेरिका पुगेका पाँच लाख ३० हजार निष्कासन हुने सम्भावना बढेको छ।

प्यारोल कार्यक्रमले अमेरिकामा बस्न र काम गर्नका लागि अर्को दुई वर्षका लागि अनुमति दिएको थियो। अमेरिकी सरकारले गम्भीर मानवीय कारण भन्दै सो अधिकार दिएको थियो।

यसअघि प्रशासनले सो कार्यक्रम स्थगित गर्ने निर्णयको विरुद्धमा सङ्घीय न्यायाधीशले उल्ट्याएका थिए।