बाजुराको जगन्नाथ गाउँपालिका–२ काँडाकोटमा मंगलबार विहान साढे ९ बजे जिप दुर्घटना हुँदा टेलिकम बाजुराका प्रमुख लोकबहादुर खड्कासहित तीनजनाको मृत्यु भएको छ ।
नेपाल टेलिकम बजुरा कार्यालयको बा५ च २२०९ नम्बरको जिप सडकबाट ८० मिटर तल खसेर दुर्घटना हुँदा भएको हो।
सुदूरपश्चिम प्रहरी ट्राफिक प्रहरी कार्यालय अत्तरियाका डीएसपी टेक जोराका अनुसार दुर्घटनामा नेपाल टेलिकम बाजुराका प्रमुख कैलाली धनगढी उपमहानगरपालिका–५ तारानगरका ४८ वर्षीय खड्का, चालक कञ्चनपुरको कृष्णपुर नगरपालिका–२ का ५७ वर्षीय करनसिंह महतराको मृत्यु भएको छ।
यसैगरी जिपमा सवार बाजुरा बडिमालिका नगरपालिका–७ का ३५ वर्षीय रविन्द्र धामीको पनि मृत्यु भएको प्रहरीले जनाएको छ। ामी नेपाल टेलिकमकै कालाजाग्रा बाजुरमा सुरक्षागार्ड रहेको डिएसपी जोराले बताए।
उनकाअनुसार तीनैजनाको घटनास्थलमा मृत्यु भएको हो। जिपमा सवार नन्दराम तिरुवा र लोकेन्द्र तिरुवा घाईते छन। उनीहरूलाई उपचारका लागि कोल्टी पठाइएको उनले बताए।
बाजुरा सदरमुकामबाट टेलिकमको टावर मर्मतका लागि जगन्नाथ गाउँपालिकातर्फ गइरहेका बेला काडाकोटमा जिप दुर्घटनामा परेको हो।
प्रतिक्रिया
सम्बन्धित खवर
