ओखलढुङ्गामा सामूहिक बलात्कारमा सहभागी भएको आशंकामा पाँच किशोर पक्राउ परेका छन् । जिल्लाको मोलुङ गाउँपालिका वडा नम्बर २ मा केही दिनअघि साथीको बर्थडे मनाउन पुगेकी एक किशोरी सामूहिक बलात्कारमा परेकी थिइन् ।
सामूहिक बलात्कारमा सहभागी भएको आशंकामा ती पाँचजना किशोरलाई मंगलबार ओखलढुङ्गा प्रहरीले पक्राउ गरेको हो । पक्राउ पर्ने पाँचै जना किशोर मोलुङ गाउँपालिका वडा नम्बर २ रामपुरका १८ वर्ष मुनिका रहेका छन् ।
गत जेठ ११ गते आफूलाई सामूहिक बलात्कार गरेको भन्दै पीडित किशोरीको पक्षबाट प्रहरीमा उजुरी परे पश्चात प्रहरीले उनीहरूलाई पक्राउ गरेको हो । पीडित किशोरीको पक्षबाट गरिएको उजुरीमा पाँचजनामध्ये दुईजनाले आफूलाई समातेको र तीनजनाले भने बलात्कार गरेको उल्लेख छ ।
प्रहरीले पक्राऊ गरेपनि पक्राउ परेका किशोरहरुको पहिचान भने खुलाएको छैन । अनुसन्धान भैरहेको जिल्ला प्रहरी कार्यालय ओखलढुङ्गाले जनाएको छ ।
