२१ बर्षकी नेपाली विद्यार्थी मुना पाण्डेलाई गोली हानी हत्या व्यक्ति ५१ वर्षीय बबी सिंह शाह रहेको प्रहरीले जानकारी दिएको छ । शाहले मुनालाई उनि बस्ने अपर्त्मेंट मै पुगेर गोलि हानेका थिए ।शाहले मुनालाई किन गोलि हान्ने भन्ने बारे अनुसधन भैरहेको छ ।

शाहविरुद्ध हत्या अभियोग दर्ता गरिएको ह्युस्टन प्रहरीले जानकारी दियो ।

अभियुक्त ५१ वर्षीय शाहविरुद्ध २६२ औं स्टेट डिस्ट्रिक्ट कोर्टमा जघन्य हत्यको अभियोग दायर गरिएको छ । ह्यारिस काउन्टी जिल्ला सरकारी वकिलको कार्यालयलाई सम्पर्क गरी उनको विरुद्ध जघन्य हत्याको आरोप लगाइएको थियो ।

शाहलाई बुधबार बेलुका ८ बजे लगत्तै उत्तरपश्चिम ह्युस्टन ट्राफिक स्टपमा पक्राउ गरिएको हो । ह्युष्टन प्रहरीको विशेष हतियार र रणनीति टिमका अधिकारीहरू, ह्युष्टन प्रहरीको अपराध न्यूनीकरण इकाई र टेक्सास डिपार्टमेन्ट अफ पब्लिक सेफ्टीको समन्वयकारी प्रयासबाट शाहलाई पक्राउ गरिएको प्रहरीले जानकारी दिएको छ । शाहलाई ह्यारिस काउन्टी जेलमा राखिएको छ ।