अभिनेत्री अरुणिमा लम्सालले कांग्रेस नेतासँग बिहे गरेकी छन् । लामो समयदेखि अमेरिकामा बस्दै आएकी अरुणिमाको कांग्रेस नेता युवराज श्रेष्ठसँग दोस्रो विवाह हो । अरुणिका श्रीमान श्रेष्ठ बराहक्षेत्र नगरपालिका, चतरा सुनसरीका स्थानीय नेता हुन् ।
बराहक्षेत्र नगर कमिटीका उपसभापति समेत हुन् । केही दिनअघि दुई जनाले सुनसरी जिल्ला अदालतमा कोर्ट म्यारिज गरेका थिए । उनीहरुले मागी बिहे गरेको पारिवारिक स्रोतले जनाएकाे छ । दुवैले काठमाडौंको बत्तीसपुतलीस्थित राम मन्दिरमा लगनगाँठो कसेका छन् । बिहेमा परिवार र निकट आफन्तहरु उपस्थित थिए ।
यसअघि उनको विराटनगरका अमित अर्यालसँग प्रेम विवाह भएको थियो । विवाहको ६ वर्षपछि पहिलो सन्तानका रुपमा अरुणिमाले छोरी जन्माएकी थिइन् ।
सन्तान प्राप्तिसँगै उनीहरु अमेरिका पलायन भए । अमेरिका गएको केही समयमा उनीहरुबीच सम्बन्ध विच्छेदको खबर बाहिरिएको थियो ।
प्रतिक्रिया
सम्बन्धित खवर
