काठमाडौं। प्रभु बैंकका सीइओ, डेपुटी सीइओसहित तीन कर्मचारीलाई अनुसन्धानका नाममा सीआईबीले पक्राउ गरेपछि बैंकिङ क्षेत्रअैल्यामै तरंगित छ। तर सोसँगै सुरु भएको अर्को चर्चा—‘चिफ बिजनेस अफिसर (CBO) रश्मी पन्त फरार’—झूटो भएको खुलेको छ।
पन्त बिदा स्वीकृत गरेर नै सुदूरपश्चिम पुगेकी थिइन्, त्यहीबेला हेड अफिसमा प्रहरी पुगेपछि उनी फरार भएको हल्ला फैलिएको मात्र रहेछ।
पन्त भन्छिन्—”शुक्रबार नै बिदा अप्रुभ गराएकी थिएँ। आइतबार बिहान महेन्द्रनगर उड्ने टिकट पनि पहिले नै काटिएको थियो।”
उनका अनुसार उनी मामाका छोराको विवाहमा सरिक हुन महेन्द्रनगर पुगेकी हुन्।”घुमघाम छोट्याएर छिट्टै कार्यालय फर्किन्छु। यो बेला आएर ‘भागेको’ भन्नु नमिठो हल्ला मात्र हो,” पन्तले भनिन्।
रश्मी पन्तले आफूमाथि कुनै पनि निकायबाट पक्राउ पुर्जी जारी नभएको, अनुसन्धानका लागि बोलाइएको पनि नपरेको, र नियमत रूपमा काममा फर्किने तयारी भइरहेको बताइन्।
उनी भन्छिन्—”बैंकका सरहरू पक्राउ परेपछि कसैले धमिलो पानीमा माछा मार्ने प्रयास गरे। मेरो नाम जोडिएको कुरा अफवाह मात्रै हो।”
बैंकका एक वरिष्ठ कर्मचारीका अनुसार रश्मी पन्तबारे फैलिएको हल्ला ‘नमिठो संयोग’ र ‘ईर्ष्या–प्रेरित टिप्पणी’ भन्दा बढी केही होइन।
उनका शब्दमा—”रश्मीजस्तै तेज भएर काम गर्ने महिलालाई कतिले देख्न सक्दैनन्। उनी बिदामा मात्र हुनुहुन्थ्यो, फर्किनुहुन्छ। यसलाई फरार भन्नु हास्यास्पद छ।”
सीइओ, डेपुटी सीइओसमेत पक्राउ परेपछि प्रभु बैंक मात्र होइन, समग्र बैंकिङ क्षेत्र नै उत्सर्जन–विहीन रातजस्तै बेचैन बनेको छ।सीआईबीले के–कसरी अनुसन्धान अगाडि बढाउनेछ भन्ने प्रतीक्षा बैंकिङ क्षेत्रले निसासिएर हेरेको छ।
