गौशाला — क्यान्सरजस्तो प्राणघातक रोगका कारण गौशाला नगरपालिकामा कार्यरत दुई शिक्षकको एक हप्ताको अन्तरालमै असामयिक निधन भएको छ। लगातार दुई शिक्षक गुमाउँदा नगरपालिकाको शिक्षाक्षेत्रमा अतुलनीय क्षति पुगेको जनाइएको छ।
गौशाला–८ स्थित वीरेन्द्र मावि वेलगाछीका स्थायी माध्यमिक तहका शिक्षक तथा प्रधानाध्यापक रामनारायण साहको सोमबार राति निधन भएको हो।
उनी लामो समयदेखि मस्तिष्कघातबाट पीडित थिए।
स्वास्थ्य समस्याका बीच उपचाररत रहँदा क्यान्सर पत्ता लागेको थियो।
विभिन्न अस्पतालमा उपचार गराइरहेका साह अन्ततः बचाइएनन्।
विद्यालयका निमित्त प्रधानाध्यापक लालकिशोर रायका अनुसार साह काम गर्न असमर्थ भएपछि विद्यालयको सम्पूर्ण जिम्मेवारी उनलाई सुम्पिएका थिए। साह बाहिरबाटै विद्यालय सञ्चालनमा निरन्तर सहयोग गर्ने शिक्षकका रूपमा चिनिन्थे।
श्री जनता आधारभूत विद्यालय ढल्केवर–८ की रेश्मा बलम्पाकी, जो २० वर्षदेखि बाल विकास शिक्षिका रहेकी थिइन्, कात्तिक १० गते क्यान्सरकै कारण निधन भइन्।
गत फागुनमा स्वास्थ्यमा समस्या देखिएपछि
चिकित्सकको परीक्षणमा क्यान्सरको पुष्टि
विभिन्न चरणमा उपचार गराउँदै आए पनि
अन्ततः जीवन जोगाउन सकिएन
प्रधानाध्यापक घनश्याम देवकोटाका अनुसार, बलम्पाकी निरन्तर चिकित्सकको निगरानीमा रहे पनि उपचारले अपेक्षित परिणाम दिन सकेन।
यी दुई शिक्षकको निधनपछि गौशाला नगरपालिकाको शिक्षामा गहिरो क्षति पुगेको कार्यालयले जनाएको छ।
