धामी–झाँक्रीको नाममा वर्षौंदेखि सोझा जनतालाई मुर्ख बनाउँदै आएका प्रकाश भुजेल अब ‘डाक्टर’को हैसियतमा देखिन थालेका छन्। तर, यो पदवी उनले कुनै अध्ययन, अनुसन्धान वा औपचारिक शिक्षा मार्फत पाएका भने होइनन्।
कहिले काळीपूजा, कहिले भूत–प्रेत भगाउने नाटक देखाउने भुजेल केही वर्षअघि मेलम्ची चल्ने बसका ड्राइभर थिए। तर अब, फेसबुकमा नामै परिवर्तन गरेर आफूलाई ‘Dr.’ भुजेल भनेर परिचय गराइरहेका छन्।
सबैभन्दा रोचक कुरा — उनलाई यो ‘डाक्टर’ उपाधि कुन संस्थाले दियो भन्ने अझै अज्ञात छ। त्यो संस्थाको कानुनी आधार देखिन्न, मान्यता त झन् टाढाको कुरा!
यो घटना राज्यको कमजोरी र नियमनको अभावकै कारण, जसले जे चाह्यो त्यही गरेर जनतालाई ठग्ने वातावरण अझै बलियो भएको प्रमाण हो।
अब प्रश्न उठ्छ — यो नक्कली ‘डाक्टर’को सर्टिफिकेट दिने संस्था को हो? जनतालाई झुक्याउने यस्ता पात्रलाई कारबाही कहिले?
प्रतिक्रिया
सम्बन्धित खवर
