सामाजिक सञ्जालमा लाखौँलाई मोहित बनाएकी लिना बिना अब यो संसारमा छैनन्। पोल्क काउन्टी मेडिकल एक्जामिनरका अनुसार, अनलाइनमा ‘मिस जोन डो’ नामले चिनिने यी २४ वर्षीया कलाकारको निधन अगस्ट ५, मंगलबार भएको हो। मृत्युको कारण भने अझै गोप्य राखिएको छ।

उनको निधनको खबर सार्वजनिक भएपछि इन्स्टाग्राम र टिकटकमा रहेका १ लाख ९५ हजारभन्दा बढी प्रशंसकहरू शोकमा डुबेका छन्। धेरैले उनको अन्तिम टिकटक पोस्टमै गएर श्रद्धाञ्जलीका शब्दहरू लेखेका छन्। एकजनाले भने—

“उनी असाध्यै सुन्दर र सकारात्मक ऊर्जा बोकेकी आत्मा थिइन्। समयभन्दा पहिला नै हामीलाई छोडेर गइन्। आत्माले शान्ति पाओस्।”

परिवारको तर्फबाट पहिलो प्रतिक्रिया उनका काका तथा कन्टेन्ट क्रिएटर मिगुएल सान्टियागो ले दिएका थिए। उनले लेखे—

“यो अविश्वसनीय पीडा हो। आफ्नो परिवारलाई नजिक राख्नुस्, किनकि अन्तिमपटक भेट्ने समय कहिले सकिन्छ, थाहा हुँदैन।”

लिनालाई श्रद्धाञ्जली दिने क्रम रोकिएको छैन। अगस्ट ७, बिहीबार, कन्टेन्ट क्रिएटर सुइट मोनाए ले भावुक भिडियोमार्फत उनको सम्झना गर्दै पोस्ट गरेकी थिइन्।