जनकपुरको थापाचोकमा आज अपराह्न भएको रेल–कार ठोक्किने दुर्घटनामा मानवीय क्षति नभए पनि ठूलो दुर्घटना टरको छ।
प्रहरीका अनुसार बागमती प्रदेश ०१–२५ च १२९० नम्बरको निजी कार थापाचोकतर्फबाट जनकी मन्दिर जाने क्रममा रेलवे लिक क्रस गर्न खोज्दा भांगहाबाट जनकपुरतर्फ गइरहेको रेलसँग ठोक्किएको हो।
जिल्ला प्रहरी कार्यालय धनुषाका प्रवक्ता डीएसपी बरुणबहादुर सिंहले घटनाको विस्तृत विवरण संकलन भइरहेको बताए। उनका अनुसार दुर्घटनामा कारको अगाडिको भाग क्षतिग्रस्त भएको छ भने रेलको अग्रभागमा समेत सामान्य क्षति पुगेको छ।
प्रत्यक्षदर्शीका भनाइ अनुसार कार चालकले लिक नजिकै पुग्दा रेल आउँदै गरेको देखिए पनि रोकिएर प्रतीक्षा नगरी लिक क्रस गर्न खोजेपछि दुर्घटना भएको हो। रेल चालकले आपतकालीन ब्रेक लगाएको भए पनि दूरी नजिक भएकाले ठोक्किनबाट जोगाउन सकेन।
प्रहरीले घटनास्थलमा पुगेर ट्राफिक सहज बनाएको र दुर्घटनासम्बन्धी थप अनुसन्धान भइरहेको जनाएको छ।
प्रतिक्रिया
सम्बन्धित खवर
