जाजरकोट — जाजरकोट जिल्लाको डिभिजन वन कार्यालय परिसरभित्रै रक्सीपाटी गरिएको खुलासा भएको छ । डिभिजन वन कार्यालयका प्रमुख कार्यालय प्रमुख अमर प्रसाद शाहकै कार्यकक्षमा मदिरा सेवन गर्दै रक्सी पार्टी चलेको भिडियो बाहिरिएको हो।

कार्यालय समयपछि वन कार्यालय परिसरभित्र केही व्यक्तिहरूले रक्सी सेवन गर्दै भोजभतेर गरेको दृश्य सार्वजनिक भएको हो।

सार्वजनिक भएको भिडियोमा कार्यालय प्रमुख कार्यालय प्रमुख अमर प्रसाद शाहसहित कर्मचारी र अन्य केही व्यक्तिहरू रक्सी पिउँदै गरेको देखिन्छन्। कार्यालयको महत्त्वपूर्ण कागजातहरू राखिएको दराज र फाइलहरू नजिकै रक्सीका बोतल र गिलासहरू छरपष्ट देखिन्छन्। यो घटना गत जेठ २९ गते राति भएको बताइएको छ।

शाहले कार्यालयभित्रै सुरक्षाका उच्च अधिकारी, प्रमुख जिल्ला अधिकारी र नेताहरूलाई संस्थाको कार्यक्रम भनेर संस्थाको कोहि पनि मान्छे भित्र नभएको अवस्थामा रात्रिभोज र रक्सी पार्टीको आयोजना गरेका थिए ।

डिभिजन वन कार्यालय प्रमुखले भने कार्यालयभित्र रक्सी पार्टी भएको स्वीकार गरेका छन्।

सरकारी कार्यालयभित्रै रक्सीपाटीजस्तो गैरजिम्मेवार गतिविधि हुनु न केवल कानुनी रूपमा आपत्तिजनक हो, यो सार्वजनिक सेवाप्रतिको आस्थामा पनि गम्भीर प्रहार हो।