गत असार ५ गते दिनदेखि सम्पर्कविहीन भएका कर्णाली प्रदेश स्थित भौतिक मन्त्रालयका सवारी चालकको शव भेरी नदीमा फेला परेको छ ।
भौतिक पूर्वाधार विकास मन्त्रालय, सुर्खेतमा सवारी चालकका रूपमा कार्यरत अन्दाजी २९ वर्षीय हिमबहादुर विष्टको शव शुक्रबार भेरी नदी किनारमा फेला परेको हो ।
जिल्ला प्रहरी कार्यालय सुर्खेतका प्रहरी नायव उपरीक्षक (डीएसपी) मोहनजंग बुढथापाका अनुसार दैलेखको चामुण्डाबिन्द्रासैनी नगरपालिका वडा नम्बर २ का विष्ट असार ६ गते बिहान ‘बिरामी छु’ भनेर कार्यालयमा खबर गरेयता सम्पर्कबिहीन भएका थिए ।
यसअघि, उनले प्रयोग गर्ने सरकारी मोटरसाइकल असार ९ गते भेरीगंगा नगरपालिकास्थित भेरी पुल नजिक सडक किनारमा बेवारिसे अवस्थामा फेला परेको थियो ।
खोजतलासकै क्रममा शुक्रबार बराहाताल गाउँपालिका वडा नम्बर ४, साजघाटस्थित भेरी नदी किनारमा उनको शव फेला परेको प्रहरी नायव उपरीक्षक बुढथापाले बताए ।
प्रतिक्रिया
सम्बन्धित खवर
