चर्चित गायिका एलिना चौहानलाई सामाजिक सञ्जालमा गालिगलौज गर्दै कमेन्ट गर्ने ३३ वर्षीय गुन्जन राई पक्राउ परेका छन्। एलिनाले दिएको उजुरीपछि प्रहरीको साइबर ब्युरोले उनलाई ललितपुरकाे बाँडे गाउँबाट पक्राउ गरेको हो ।
पक्राउ परेका ति व्यक्तिले ४०/५० वटा नक्कली आईडी तयार गरेर यसरी दुरुपयोग गरेको खुलेको छ। एलिनाले चार जनाविरुद्ध ब्युरोमा उजुरी दिएकी थिइन् । उनीहरूमध्ये केही विदेशमा रहेको खुलेको छ ।
गायीका चौहानले आफूलाई लान्छना लगाउँदै कमेन्ट गर्ने क्रम नरोकिएपछि साइबर ब्युरोमा उजुरी गरेकी थिइन्। त्यसअघि उनले यसरी गालिगलौज गर्नेको प्रोफाइल र कमेन्ट सामाजिक सञ्जालमार्फत नै सार्वजनिक गरेकी थिइन्। तर यो क्रम नरोकिएपछि उनले ब्युरोमा उजुरी दिन बाध्य भएको बताएकी थिइन्।
प्रतिक्रिया
सम्बन्धित खवर
