नेपाल प्रहरीका नायब महानिरीक्षक (डीआईजी) हिमालय कुमार श्रेष्ठको सरुवा भएको छ । अख्तियार दुरुपयोग अनुसन्धान आयोग, प्रहरी महाशाखा टंगाल, काठमाडौंमा कार्यरत श्रेष्ठलाई काठमाडौं उपत्यका प्रहरी कार्यालय, रानीपोखरीमा सरुवा गरिएको हो ।
प्रहरी उपरीक्षक योगेन्द्र सिंह थापाका अनुसार रानीपोखरीमा कार्यरत डीआईजी ध्रुवराज राउत अनिवार्य अवकाशमा गएपछि रिक्त रहेको स्थानमा श्रेष्ठलाई सरुवा गरिएको छ ।उनको ठाउँमा हालै एसएसपीबाट डीआइजीमा बढुवा भएका ओम बहादुर रानालाई पठाइएको छ ।
गृह मन्त्रालयले डीआईजीमा ११ जना एसएसपीहरु बढुवा गरेको थियो । उक्त बढुवा सूचीमा राना पनि परेको थिए । बढुवा भएका डीआईजीलाई अख्यियार पठाउने निर्णय गरेको प्रहरी उपरीक्षक योगेन्द्र सिंह थापाले जानकारी दिए ।
