काठमाडौं । एक महिला कलाकारले आफू फ्यानबाट बलात्कृत भएको भन्दै महाराजगन्ज वृत्तमा जाहेरी दिएकी छिन् ।
कानुनअनुसार नाम गोप्य राखेर सांकेतिक नाम ‘महाराजगन्ज ७ (२०८०\८१)’ दिइएको कलाकारलाई धादिङका अमित श्रेष्ठले जबरजस्ती करणी गरेको भन्दै जाहेरी परेको हो । पीडक भनिएका फ्यान फरार रहेको भन्दै सरकारी वकिल कार्यालय काठमाडौंले अदालतमा मुद्दा दायर गरेको छ ।
सुरुमा फ्यानले लगातार भेटघाट र संवादद्वारा कलाकारलाई प्रभावित बनाएका थिए । उनीहरूबीचको सम्पर्कले कलाकारलाई सुरुवातमा न्यानोपन र समर्थनको आभास दिलायो, तर पछि फ्यानको व्यवहारमा परिवर्तन देखा पर्यो ।
कलाकार ‘महाराजगन्ज ७ (२०८०\ ८१) ले अमितले आफूलाई फकाएर बलात्कार गरेको जाहेरीमा लेखेकी छिन् ।
उनका अनुसार, अमितले आफ्नो कला र प्रतिभाको अत्यधिक प्रशंसा गर्दै आफ्नो नजिकको साथी बनेका थिए । विभिन्न अवसरमा आफ्नो गुणगान गाउँदै फकाएको र आफ्नो विश्वास जित्न सफल भएको बताएकी छिन् ।
आफूहरूको पहिलो भेट २०७९ फागुनमा भएको उल्लेख छ । त्यसयतादेखि नै उक्त फ्यानले कलाकारसँग घनिष्ठता बढाउने प्रयास गरेको भनिएको छ ।
फ्यानले आफूलाई २०८० जेठ १० गतेदेखि टोखामा फ्याट भाडामा लिएर राखेको बताएकी छिन् । २०८० साउन १५ गते राति आफूमाथि जबरजस्ती करणी भएको ती कलाकारले बताएकी छिन् ।
प्रतिक्रिया
सम्बन्धित खवर
