काठमाडौं- साताको दोस्रो कारोबार दिन सोमबार नेपाली बजारमा सुनको मूल्यले नयाँ रेकर्ड कायम गरेको छ।

नेपाल सुनचाँदी व्यवसायी महासंघका अनुसार सोमबार २४ क्यारेट (छापावाल) सुनको भाउ प्रतितोला ३०० रुपैयाँले बढेर १ लाख ५० हजार रुपैयाँ कायम भएको हो।

यसअघि साउन १८ गतेपनि सुनको मूल्यमा नयाँ रेकर्ड कायम भएको थियो। सो दिन २४ क्यारेट (छापावाल) सुन प्रतितोला १ लाख ४९ हजार ९०० रुपैयाँमा कारोबार भएको थियो।

आइतबार भने २४ क्यारेट (छापावाल) सुन प्रतितोला १ लाख ४९ हजार ७०० रुपैयाँ कायम रहेको थियो।

यसैगरी, २२ क्यारेट सुनको मूल्य तोलाको १ लाख ३७ हजार ७२५ रुपैयाँ निर्धारण रहेको थियो।

सोमबार चाँदीको भाउ भने स्थिर रहेको छ। आज चाँदीको भाउ प्रतितोला १७ सय ९५ रुपैयाँ कायम रहेको छ।